मिति २०८१ भाद्र १५ गते शनिबार यस चण्डेश्वरी बचत तथा ऋण सहकारी संस्था लि. को बार्षिक कार्य योजना अन्र्तगत महिला बिकास उप समिति को संयोजकत्वमा बनेपा नगरपालिकाको कार्यलय सभाहलमा यस संस्थाका अध्यक्ष श्री नबिन भक्त बादे ज्यूको अध्यक्षतामा जेष्ठ सदस्य (पिता) सम्मान कार्यक्रम सम्पन्न गरिएको छ । कार्यक्रमको प्रमुख अतिथिका रुपमा पाल्नुभएका बनेपा न.पा.का प्रमुख श्री शान्ति रत्न शाक्य ज्यूको उपस्थितिमा पानसमा दिप प्रज्वलन गरि कार्यक्रमको शुभारम्भ गरिएको थियो । कार्यक्रममा बिषेश अतिथिका रुपमा बनेपा वडा ८ कार्यालयका अध्यक्ष श्री शुभलक्ष्मी मानन्धरज्यू उपस्थीत रहनु भएको थियो । कार्यक्रममा संस्थामा आबद्ध ७५ बर्ष नाघेका जेष्ठ पुरुष सदस्यहरु लाई कुशेआँैशिको उपलक्ष्यमा सम्मान गरिएको थियो । कार्यक्रममा ११२ जना जेष्ठ पिताहरुलाई सम्मान गरिएको छ । बिहानीको ८ः०० बजे कार्यक्रमको शुभारम्भ भएको थियो जसमा संस्थाका संचालक सदस्य तथा महिला बिकास उप समिति संयोजक श्री मनोहरी पोटेज्यू ले स्वागत मन्तव्य राख्नु भएको थियो भने प्रमुख अतिथि बनेपा न.पा. प्रमुख शी शान्ति रत्न शाक्य ज्यू मार्फट आफ्नो छोटो मन्तव्य पेश गर्नु भएको थियो । कार्यक्रममा इलेक्ट्रिक मल्टिपपोज बोईलर तथा खाद्यान्न का साथ साथै सम्मान पत्र प्रदान गरिएको थियो । साथै संस्थामा आवद्ध जेष्ठ पूरुष सदस्यहरु मध्यबाट उत्कृष्ट कारोबारको आधारमा संरक्षित पुँजी फिर्ताकोष बापट उच्चतम रकम पाउने ३ जना जेष्ठ पिताहरुलाई बिषेश सम्मान गरिएको थियो ।
कार्यक्रममा ७५ बर्ष माथिका जेष्ठपिताहरुको उत्साहपुर्ण सहभागिता रहेको थियो । उपस्थीत ८३ जना जेष्ठ पितासदस्यहरु सम्पुर्ण लाई सम्मान गरिएको थियो भने अनुपस्थीत २९ जनालाई घरदैलोमा गई सम्मान गरिएको थियो ।
चण्डेश्वरी साकोसले हरेक बर्ष औँशिको अवसर पारेर माता पिता सम्मान कार्यक्रम निरन्तर रुपमा गर्दै आईरहेको छ ।