यस चण्डेश्वरी बचत तथा ऋण सहकारी संस्थाले पौष २७ गते शनिबार बनेपा १०, काँगल गाँउ, पुलबजार क्षेत्रमा घरदैलो सहकारी शिक्षा तथा बिस्तारित मञ्च कार्यक्रम सम्पन्न गरेको छ । संस्थाको समुह बचत उप समिति संयोजक श्री सुरेन्द्र प्रजापतीको संयोजकत्वमा सम्पन्न सो कार्यक्रममा सो स्थानका ४७ जना सदस्य तथा सम्भावीत सदस्यहरुको सहभागीतामा रहेको थियो । कार्यक्रम आयोजन गर्नका लागी संस्थाका सदस्य श्री उद्धब खत्री क्षेत्रीले स्थानिय तर्फबाट सहयोग गर्नु भएको थियो । सहकारीका उदेश्य, आवश्यकता, बचत तथा ऋणको महत्व तथा प्रयोग, चण्डेश्वरी साकोसका सेवाहरु आदिका बारेमा सहभागीता मुलक छलफल भई कार्यक्रम संचालन भएको थियो ।
