Author: Chandeshwori Bulletin

नमस्ते । म बनेपा ९ निवासी दिपा दाहाल । म यस चण्डेश्वरी साकोसमा सदस्य भएको २४ बर्ष भएको छ । यस सहकारी बाट २०७३ सालमा कृस्टलको माला पोटे बनाउने तालिममा सहभागी भएको थिय । तालिम लिए पश्चाम म र मेरा केहि साथी मिलेर घरमानै यहि काम निरन्तर रुपमा गर्दै आईरहेको छाँै । सुरुमा मैले काठमाण्डौँ बाट कच्चा सामान ल्यायर बनाएर बेचेको थिय । हाल मैले अरुलाई पनि यो तालिम दिदैँ आएको छु । पहिले घरको काममा खाली रहेको समयलाई अहिले यो कामलाई दिएको छु । आफ्नो मेहेनत अनुसारको फाईदा पनि राम्रै छ यसमा । दशै, तिहार, जात्रा, तिज जस्ता चाडपर्वमा यसको माग अझ बढि हुने गर्दछ । घरको लागि आवश्यक घरायसी खर्च यसै बाट तरेको छ ।

नमस्ते । म बनेपा ४ निवासी, राधाकृष्ण श्रेष्ठ । हाल मैले बनेपा बिभिन्न क्षेत्रमा २९ रोपनीमा व्यवसायीक रुपमा टनेल गोलभेडा खेती गर्दै आईरहेको छु । यस चण्डेश्वरी साकोसमा आबद्ध भएको लगभग १६ बर्ष भएको छ । चण्डेश्वरी साकोस बाट सरल तरिकाले कृषि ऋण मार्फत मैले मेरो कृषि व्यवसाय बिस्तार गर्दै गईरहेको छु । हाल मेरो फार्म मा १० जना व्यक्तिहरुलाई रोजगारी दिदै आईरहेको छु । राम्रोरी गर्न सकेको खण्डमा राम्रै नाफा रहेको छ । काम गर्न बिदेशै जानुपर्ने जस्तो मलाई लाग्दैन । मैसमी बेमौसमी बिभिन्न तरकारी, फुल, आदि उत्पादन गरेर राम्रो आम्दानी भईरहेको छ । हालको यो कृषि फार्मलाई अब अझ ५० ,६० रोपनीमा फैलाउने सोच छ मेरो । चण्डेश्वरीको साथ सहयोग पुर्ण रुपमा रहि रहने छ भन्ने आशा तथा भरोसा छ मलाई ।

नमस्ते । म अनिता सुवाल । म यस चण्डेश्वरी साकोसमा सदस्यभई आवद्ध भएको ६ बर्ष भएको छ । चण्डेश्वरी साकोस बाट दिईएका बिभिन्न तालिमहरु मध्य २०७९ साल चैत्रमा मैले मखमलीको जुत्ता चप्पल बनाउने तालिम लिएको थिय । मानिसहरु जुत्ता बनाउने भन्नाले सानो व्यवसाय भन्ने सोच्ने गर्दछ । तर मेरो परिवारलेनै मलाई खाली रहेको समयमा सिकेर घरमानै व्यवसाय गर्न सकिने भनी अभिप्रेरित गरेर मैले यो तालिम लिएको थिय । पहिले म १० देखि ५ बजे सम्म अरुहरुको काम गर्ने गर्थे । तर अहिले म आफ्नै सानो व्यवसाय संचालन गरेको छु । दिनमा खाली बस्नु पर्दैन । पहिलेको काम भन्दा अहिले घरमानै सजिलै यो व्यवसाय संचालन भईरहेको छ । आफ्नोलागी समय पनि छुट्याउन सकेको छु । तिजहरु जस्ता चाडबाँड तिर अझ बढि सामानको अर्डर आउँछ । आर्थिक हिसाबले पहिले भन्दा अहिले धेरै राम्रो भईरहेको छ । अब अझ सामानहरु थपेर यो व्यवसायलाई बढाउँदै लाने सोच छ ।